Under finn du ulike tiltak knytt til rettleiing av foreldre som me har i Voss herad.
Circle of Security (COS) er utvikla for å fremja god tilknyting mellom foreldre og barn. Den rettar seg mot foreldrene si evne til å forstå barnet sine grunnleggande behov for tryggleik, tilhøyre og autonomi slik at barnet si kjensle av tryggleik og sjølvforståing aukar.
- Passar for foreldre med barn i alderen 0 – 7 år
ICDP er eit lågterskeltilbod om foreldrerettleiing i Voss herad. Rettleiinga føregår i grupper og tar for seg tema som:
- Vis at du er glad i barnet ditt
- Sjå og følgje barnete sine initiativ
- Ta del i barnet sine kjensler
- Gje ros og anerkjenning
- Felles merksemd – felles opplevingar
- Gje meining til opplevingar
- Lag samanhengar
- Hjelp barnet til sjølvhjelp: Planlegge, støtte, legge til rette, sette positive grenser
- Passar for: Foreldre med barn i alderen 0 – 18 år
TIBIR foreldrerettleiing er eit tilbod til foreldre som strever med små eller større situasjonar i kvardagen med barnet sitt.
Her lærer ein å ta i bruk verktøy som gjer foreldrerolla lettare, og aukar den positive samhandlinga mellom barn og foreldre. Rådgjevinga varar frå 3-6 møter, alt etter behov og ønskje frå foreldra.
- Passar for foreldre med barn i alderen 3 – 12 år
TIBIR Sosial ferdigheitstrening
Samtidig med at foreldra får TIBIR foreldrerådgjeving, kan barnet møta ein sosial ferdigheitstrenar. Det kan vera hjelp og øving i å handtera vanskelege kjensler, sinne og det å trena på positive sosiale ferdigheiter.
PMTO-terapi
Til foreldre som har opplevd samspelet med barnet sitt vanskeleg over tid. Målet er å fremja samarbeid og positiv utvikling hjå barnet. Terapeuten samarbeider med foreldra om å skapa ein trygg og føreseieleg kvardag for barnet. Endringsarbeidet går over tid, frå 15-30 møter, eller så lenge det er behov.
- Passar for foreldre med barn i alderen 3 – 12 år
TIBIR Sosial ferdigheitstrening
Samtidig med at foreldra får PMTO-terapi, kan barnet møta ein sosial ferdigheitstrenar. Barnet kan få hjelp og øving i å handtera vanskelege kjensler og å trena på positive sosiale ferdigheiter.
PMTO- foreldregruppe har det same målet som individuell rettleiing, men her møter ein samstundes andre foreldre som er i liknande situasjon.
Gruppetilbodet strekker seg over 12 veker, der gruppa møtest 2 ½ time, ein gong i veka.
- Passar for foreldre med barn i alderen 3 – 12 år
Det er ein krevjande og vanskeleg livssituasjon etter eit samlivsbrot når samarbeid og kommunikasjon rundt borna er utfordrande. Det er vondt og vanskeleg når samlivet ein har i lag ikkje lever opp til forventingar. Dette er og vondt og vanskeleg for borna, og kan hindra deira trivsel og utviklinga til borna.
Voss barnevernteneste tilbyr kurs til foreldre som har eit utfordrande samarbeid etter samlivsbrot, og eit kurs for foreldre som bur ilag med eit utfordrande samarbeid i heimen.
- Passar for foreldre til barn i alderen 0 – 18 år
Dette er eit lågterskeltilbod i Voss herad, og det vert ikkje oppretta barnevernsak
Du kan lese meir om kurstilbodet her
Blir du litt for sint på barna?
Det står respekt av foreldre som ynskjer å jobbe med seg sjølv for å få ein betre kvardag for barn og familie. På familievernet si nettside LittSint finn du mellom anna forskningsbasert kunnskap, vektøy for å bryta mønster av uønska sinn i samspel med eigne barn og eit gratis nettkurs i sinnemeistring for foreldre.
Litt sint er tilgjengeleg på ulike språk:
Familievernkontoret gjev tilbod om behandling og rådgjeving når det er vanskar eller kriser i familien. Du kan ta direkte kontakt med eit familievernkontor, og alle dei tilsette har teieplikt. Samtaleterapi for par og familiar er det vanlegaste tilbodet. Familievernkontoret tilbyr òg kurs og gruppeopplegg om aktuelle familie- og samlivstema. Familievernkontoret utfører obligatorisk mekling.
ZUPERSMART
ZuperSmart er ein stressmeistringsapp for barn i alden 6 – 12 år. Gjennom spel øver barna på ulike utfordringar, vel løysingar og kan spørje ein vaksen om hjelp. Målet er at barna skal kunne trene på å møte utfordringar, få informasjon om kva som skjer når me vert stressa og såleis verta meir robuste.
ZuperSmart er laga i samarbeid mellom RVTS Øst og Oslo universitetssjukehus
E-RISK – FOR FORELDRE MED ENGSTLEGE BARN
E-Risk er i utgangspunktet eit online meistringskurs for engstlege barn, eller barn som strevar med angst (12 – 18 år). I tillegg til eit eige kursprogram for barnet har dei foreldre- og lærarstøtte. For foreldre handlar dette blant anna om:
- Foreldreutfordringar generelt og for deg spesielt. Dersom du som forelder er engsteleg, korleis kommuniserer du dette til barnet og korleis påverkar det barnet ditt.
- Korleis vere ein god støtte for barnet ditt som øver gjennom eksponeringsterapi
Per i dag er det ikkje terapeutar som er kursa i E-Risk på Voss, men programmet er laga for at barn og forelder også kan prøve det ut på eiga hand.
Klikk her for å kome til E-Risk
FORELDREHVERDAG
Foreldrehverdag er Bufdir sitt tilbod til foreldre med barn frå 0 – 18 år.
Her finn du til dømes informasjon om
- Korleis barnet utviklar seg og kva dei treng
- Kunnskap som kan gjere deg meir beviss og trygg i foreldrerolla
- Dei gjev deg trygge og kvalitetssikra råd basert på barnet sin alder
- Du kan ta foreldrestil-testen
Sjekk ut nettsida, Foreldrehverdag.no
Er du meir interessert i forelderstil, og lurar på korleis du kan vere ein best mogleg vaksen i møte med barn og unge?
Kjenneteikn ved den autoritative vaksne
- Den vaksne har kontroll, tydlege grenser og forventningar til barnet, samstundes som den viser varme
- Den vaksne lyttar til barnet sine behov og ynskjer, samstundes som den lærer barnet å bli bevisst eigne kjensler og korleis regulere dei på ein føremålstenleg måte